ბიოლოგიურ მეურნეობათა ასოციაცია „ელკანა“ ქალაქ ახალციხეში გეგმავს ტრენინგების ჩატარებას თემაზე „ბიომებოსტნეობა და  ბოსტნეული კულტურების ადგილობრივი ჯიშების თესლეულის წარმოება საოჯახო მეურნეობაში“.

ტრენინგები ჩატარდება bp Georgia-ს მიერ დაფინანსებული პროექტის - „აგრარული ბიომრავალფეროვნების კონსერვაცია და ფერმაზე რეინტროდუქცია საქართველოში“ ფარგლებში.

ტრენინგს გაუძღვება „ელკანას“ მრჩეველი ნუკრი მემარნიშვილი. ტრენინგის დასასრულს მონაწილეებს ექნებათ შესაძლებლობა, საკუთარი მეურნეობისთვის შეარჩიონ ბოსტნეულისა და პარკოსანი კულტურების თესლი, რომელიც “ელკანამ“ პროექტის ფარგლებში გაამრავლა. თითოეულ მონაწილეს საჩუქრად გადაეცემა ხუთი სხვადასხვა კულტურის თესლის პაკეტი.

ტრენინგები გაიმართება 10-11 აპრილს  ბიოლოგიურ მეურნეობათა ასოციაცია „ელკანას“ ახალციხის ოფისში. მისამართი: შალვა ახალციხელის 9.

დამატებითი ინფორმაცია ტრენინგის შესახებ შეგიძლიათ მიიღოთ საინფორმაციო შეხვედრებზე:

• სოფელი ღრელი -  2 აპრილი, 13:00, სოფლის ცენტრი, სურსათის მაღაზიასთან
• სოფელი ზიკილია - 2 აპრილი, 15:00, სოფლის ცენტრი, სურსათის მაღაზიასთან

ადგილები შეზღუდულია. ტრენინგზე დასარეგისტრირებლად შეგიძლიათ დაუკავშირდეთ ასოციაცია „ელკანას“ ახალციხის ოფისის კოორდინატორს, თეა ჩიტაძეს - ტელ. 599 253953 ან ონლაინ გაიაროთ რეგისტრაცია შემდეგ მისამართზე - https://forms.gle/b9WKQhhWt9qtEAQn9