ასოციაციის წევრი მეურნეების პროდუქციის ბაზარზე დამკვიდრების ხელშეწყობის მიზნით,  „ელკანამ“ შეიმუშავა ხარისხის კონტროლის შიდა სისტემა, რომლის საფუძველზეც მისი წევრის მეურნეობაში წარმოებულ პროდუქციას ენიჭება „ელკანას“ აგროეკოლოგიური ნიშანი -  „ელკანას” ლოგოს სარეალიზაციო პროდუქციაზე განთავსების უფლება.

„ელკანა“ ნიშნის ფლობის მსურველ წევრებს აგროეკოლოგიურ ნიშანს ანიჭებს  შიდა კონტროლის სისტემის ფარგლებში მეურნეობის ყოველწლიური ინსპექტირების საფუძველზე, რაც უზრუნველყოფს გამჭვირვალობასა და სანდოობას.  ხარისხის ეს კერძო ნიშანი:

• საშუალებას აძლევს მეურნეს უკეთ წარმოაჩინოს საკუთარი პროდუქცია ბაზარზე და მოიპოვოს მომხმარებლის ნდობა.
• ინფორმაციას აწვდის მომხმარებელს, რომ პროდუქტი მოყვანილია გმო-ს, ქიმიური სასუქებისა და პესტიციდების გარეშე, ბუნებასთან ჰარმონიაში და საზოგადოების კეთილდღეობაზე ზრუნვით.

„ელკანას“ ნიშანდება არ ანაცვლებს აკრედიტებული სერტიფიცირების ორგანოს მიერ გაცემულ ბიოსერტიფიკატს. აგროეკოლოგიური  ნიშანი ადასტურებს, რომ სასოფლო-სამეურნეო პრაქტიკა აგროეკოლოგიურ პრინციპებსა და ბიომეთოდებს ეფუძნება.

მოთხოვნები “ელკანას“ აგროეკოლოგიური მეურნეობებისათვის და „ელკანას“ ხარისხის მართვის სახელმძღვანელო  იხ. ↓