2026 წლის 5 მარტს ასოციაცია „ელკანას“ ექსპერტმა ნუკრი მემარნიშვილმა, პროექტის „ინოვაციური გადაწყვეტილებები განათლებაში ნიადაგის დეგრადაციისა და ნარჩენების მართვის პრობლემების მოსაგვარებლად საქართველოში“ ფარგლებში, ჩაატარა ონლაინ ტრენინგი სკოლების მოსწავლეებისა და მასწავლებლებისთვის. პროექტს ახორციელებს არასამთავრობო ორგანიზაცია „კონა“ ჩეხეთის გაეროს განვითარების პროგრამასთან პარტნიორობით.

ტრენინგზე განხილული იყო:

• ჯანსაღი თესლის, ენდემური სახეობებისა და ადგილობრივი ჯიშების მნიშვნელობა
• ქიმიურად დაუმუშავებელი თესლის გამოყენების აუცილებლობა
• აგრობიომრავალფეროვნების როლი
• აგროტექნიკური პრაქტიკები: თესლბრუნვა, კულტურების მეზობლობა, შერეული ნათესები, შემაღლებული კვლები, თესვა და ჩითილების გამოყვანა

ტრენინგის შემდეგ „ელკანამ“ 8 სკოლას გადასცა ბოსტნეულის, მარცვლოვანი და პარკოსანი კულტურების თესლის 10-10 პაკეტი, ასევე ადგილობრივი ხეხილის ჯიშების 20 ნერგი.

მოსწავლეებმა უკვე დაიწყეს მიღებული ცოდნის პრაქტიკაში გამოყენება — თესვა და ნერგების დარგვა.